அகல் விளக்கு

அழகிய மாடத்தில்
ஏற்றப்பட்ட அகல் விளக்கு
அற்புதமாய் எரிந்திருந்தது...

திடீரென வந்த கொடுங்காற்று
தீபத்தை திருடிச்செல்ல
இருள் கொடுத்து
துக்கம் நிரப்பியது.

மாடத்தை ரசித்து நின்றவர்கள்

கொஞ்சநேரக் கைசேதத்திற்குப்பின்

சகஜமெய்தினர் எப்போதும் போல...

மாடத்தை அலங்கரித்தவன்

அகல் விளக்கில் தீபமேற்றி

அதனொளியில் கிரங்கிக்கிடந்தவன்,

கலங்கித்தவிக்கிறான் இப்போது

கண்ணொளியேபோனது போல்.

கடைத்தேற்ற யாருமின்றி

கண்ணீர் கைகுட்டையாகி

துக்கத்தை தோழமைக்கழைத்து

துவண்டுழல்கிறான்.

எல்லோருக்கும்...

அணைந்தென்னவோ

அகல் விளக்குத்தான்,

விளக்கேற்றியவனுக்கோ

விடியாமலேயே போனது...

பறிபோனது

கண்ணொளியன்றோ!

- முஹையத்தீன் பாட்ஷா