2015 புத்தாண்டு வாழ்த்து

புத்தாண்டை வரவேற்போம்:

என்ன தான் நமக்கென இனத்தின் காலங்காட்டியாக சித்திரை,வைகாசி இருந்தாலும், சமயம் சார்ந்த ஹிஜ்ரி காலங்காட்டி இருந்தாலும் நாம் நமது வாழ்வியல் நிக்ழ்வுகள் எல்லாவற்றுக்கும் கிபி எனும் ஆங்கில காலங்காட்டியைத்தான் பயன்படுத்தி வாழ்கிறோம்.. அது சார்ந்தது தான் பிறந்த தேதி முதல் யாரின் இறப்புத்தேதி வரை,
சம்பளத் தேதி முதல்...சமயல்வாயு வந்த தேதி வரையுங்கூட இந்த காலங்காட்டித் தான்.

ஆக பிறக்க இருக்கும் புத்தாண்டை .. பலர் மிதமிஞ்சிய வியாக்யானங்கள் கொடுத்து நானொரு மேதை என்பதாக சொல்லிக்கொண்டு வாழ்த்த மாட்டேன் என்பதில் எனக்கு உடன்பாடில்லை.இதிலும் பலர் நாளை பழையதாகிப்போகும் ஆண்டுக்கு என்ன வாழ்த்து வேண்டிக்கிடக்கு என்கின்றனர், அந்த மேதைகள் அப்படியே இருந்து கொள்ளட்டும்.

என்னைப் பொருத்தவரை எல்லாமும் பழையதாகும் தான் ஆனாலும் புதிது என்றாலே அந்தப் புதிதின் புத்துணர்வு, மகிழ்ச்சி எல்லாம் நம் மனதையும், உடலையும் மகிழ வைக்கும் ஆற்றல் பெற்றவை இல்லையா, ஒரு புதிதாய் மலர்ந்த ரோஜாவைப் பார்க்கும் போது ஏற்படும் மனக்கிளர்வைப் போல.. புதிய மணவாட்டியைப் பார்க்கும் போது மயங்கிடும் மணாளன் போல, நம்மோடு உடன்பட்டிருக்கும் ஆங்கில காலங்காட்டியின் புதியதொரு ஆண்டை வரவேற்போம்.

*******              *******          *******             *******

2015 -ஆம் புத்தாண்டுக் கவிதை : 

பிறந்திருக்கும் இந்த 2015 -ஆம் புத்தாண்டு

சிறப்புக்கள் பல கொணரட்டும்..
சீரிய ஆண்டாய் திகழட்டும்.
*

பிறக்கும் ஆண்டு சிறக்கட்டும்
தட்டிடும் கதவுகள் திறக்கட்டும்
*

தொடுபவை எல்லாம் துலங்கட்டும்
தூயோன் அருளால் இலங்கட்டும்
*

வளங்கள் எல்லாம் சேரட்டும்
பலங்கள் எல்லாம் கூடட்டும்
*

செல்வங்கள் எல்லாம் சூழட்டும்
செவ்வனே எல்லாம் நீளட்டும்
*

உடல்நலம் நன்றே ஓங்கட்டும்
உறவுகள் எல்லாம் வாழட்டும்
*

மக்கள் மகிழ்ந்தே ஆடட்டும்
துக்கம் துயரம் ஓடட்டும்
*

அறிவின் ஞாயிறு மலரட்டும்
அறியாமை மக்கள் தெளியட்டும்
*

தேசம் ஒன்றாய் இருக்கட்டும்
துவேச மாயை இருளட்டும்
*

பிறர் நலம் காக்கவும்
பிறர் மகிழ்ச்சிக் காக்கவும்

நம் உடல் நலம்
நம் மனநலம் இரண்டினையும்
நாமே காப்போம்!
நலமே வாழ்வோம்..!!
*

இனியும் பல.............
புத்தாண்டுகள் காண்போம்.
எல்லோரும் வாழ்க!
*

-வழுத்தூர் ஜா.முஹையத்தீன் பாட்ஷா