தியானங்கள் சொல்லவருவது என்ன ?
தியானங்களின் பயிற்சிகள் எதற்கு ?
தியானங்களில் மூழ்குதலின் முடிவு எது ?
அது...
திண்ணமாய் நீ இல்லை,
நீ என்பது எங்கும் இல்லை
நீ என்பது எதிலும் இல்லை
நீ என்பது எப்போதும் இல்லை
இல்லாத நின்னை இழ!
நீயாய் இருக்கும் அனைத்தில் நின்னை இழ!
நீயே அதில் இல்லாமல் போ!
கரை.. கல.. இல்லாமல் போ
நீயே எல்லாமென நில்!
நீயே நித்தியம்!
நீயே சத்தியம்!
நீயின்றி வேறில்லை!
நீயின்றி வேறில்லை!
நீயின்றி வேறில்லை!
இருப்பதெல்லாம்.... தனித்த
நீயே.!.
நீயே.!!.
நீயே..!!!
என்பது தானே..
மூலமந்திரத்தின் மறைபொருள்!
இதில் நிலைக்க செய்வதும்
இதில் லயிக்க செய்வதும்
இதுவாகவே உணரச்செய்வதும்
இதுவாகவே ஆகச்செய்வதும் தானே
தியானம்!
-ஜா. முஹையத்தீன் பாட்ஷா
*தசவ்வுஃப் - மெய்ஞானம்
தியானம் - இறைவனை நினைவு கூர்தல் (திக்ரு செய்தல்)
மூலமந்திரம் - கலிமா (அரபியில்)
கருத்துகள் இல்லை:
கருத்துரையிடுக