பல்லவி:
ஏசுவின் முதல் புதுமையே
பேசுவோம் அவர் பெருமையே
சரணங்கள்:
இருமனம் சேரும் திருமண நேரம்
பறிமாறும் விருந்தில் பானங்கள் தீர
வானத்தில் மேகங்கள் வருசிக்கும் மழைபோல்
கானத்தில் முடியாத கருணை செய்யவே
வந்தீர் வந்தீர் தருணம் வந்தீர் -
பயந்தவர் முகத்தில் பரவசம் பொங்க
வெறும்நீர் தனையே அரும் ரசமாகவே
நறும் பாசமுடனே பெரும் அதிசயம் செய்தே
காணா ஊர் கல்யாணம் காணவே செய்தீர்
தேனாய் தித்தித் திடும் பானமதை
தந்தீர் தந்தீர் ஆனந்தம் தந்தீர் -
குறிப்பு: நான் கல்லூரி படிக்கும் போது (1995-98) மறைந்த நண்பர் ராபின்சன் ரொசாரியோ மற்றும் அந்தோன் புஷ்பராஜ் அவர்களின் வேண்டுகோளின் படி ஊர் காணா உன்னத திருமணம் என் தலைப்பில் நான் எழுதிக்கொடுத்த பாடல் இது 96-97களில் இப்பாடல் கும்பகோணம் பெரிய கிருத்துவ தேவாலத்தில் தொடர்ந்து இசையோடு பாடப்பட்டது என்பதாக எனக்கு ராபின்சன்னால் தெரிவிக்கப்பட்டது.
1 கருத்து:
Great!
கருத்துரையிடுக