அன்பின் மன்றத்தோரே!
இன்று பட்டியலிடப்பட்ட
சிலச் சொற்கள்
பேச தடைஅறிவீர்!
நினைவில் கொள்க!
பிறகு, பேச வேண்டிய
சொற்களுக்கு
முன் அனுமதி வேண்டும்.
அனுமதிக்கப்பட்ட பேச்சில்
தவறி பேசிய சொற்களில்
உட்பொருள் வேறு இருப்பதாய்
ஆய்வுக்குழு நிரூபித்தால்
வெளியே வர முடியாத சிறை!
முக்கிய சட்டமியற்றும் நாளில்
"வாய்க்கு பிளாஸ்திரி இட்டு வர வேண்டும்.
மீறினால் ஒட்டப்படும்" என்ற
அறிவிப்பிற்கு ஆலோசனை.
அறிக, இங்கே
"ஆளுவோர் தவிர
நீங்கள்
அனைவரும் ஊமையர் தான்.
எதிர் கருத்து உடையவர்க்கு
எதிர்பார்க்காத தண்டனைகள்"
என்று கூட சொல்லும்
சொல்லைத் தாங்கிய
கட்டளைகளை எங்கள்
செயலகங்கள் வெளியிடலாம்.
ஜாக்கிரதை.
நான்கு நாட்களில்
அவை கூட இருக்கிறது
குளிராக இருக்கும்
போர்த்திக்கொண்டு
அடக்கத்தோடு வந்து சேருங்கள்.
ஜாலியாக
சில சின்னஞ்சிறு கதைகள்
பேசி சிரித்து மகிழ்வோம்.
ஜனநாயகக் கூத்துப் பட்டறை வரவேற்கிறது.
-ஜா.மு.
14-07-22
20:30
கருத்துகள் இல்லை:
கருத்துரையிடுக