எங்கு பார்த்தாலும் ரத்தம்,
கொஞ்சமும் ஈவிரக்கமற்று
மனிதத் தன்மையுமற்று
வெறிப்பிடித்த தாக்குதல்.
அறமென்று காட்டி,
மனதை கல்லாக்கும்
இரக்கத்தை இறக்கப் பழக்கும்
சுடுதல் வெட்டுதல்
இன்னும் கொடூரமாய் உயிர் நீக்குதல்
மட்டுமே கருப்பொருளாய்
மரண இயக்குநர்களின் படத்தையும்
வன்மத்தை ருசிக்கும் காலத்தில்
மக்கள் கூட்டம்
கொண்டாடித்தீர்க்கிறது.
வெறுப்பை நேசிக்கும்
இளைஞர் கூட்டம்,
கழுதைப் புலியின்
வேட்டை இரத்தம் தோய்ந்த
அதே வெறியாட்டத்துடன்
ட்ரைலர் வெளியிட்ட
திரையரங்கைக் கூட
நாசமாக்கி வளர்கிறது.
கண்ணீர் பெருக்குடன் நிற்கும்
அன்பு மறுதளிக்கப்பட்ட கூட்டம்
ஆறுதல் சொல்ல யாருமின்றி
அணைத்துக் கொள்ள பேருமின்றி
வகையின்றி வாடிக்கிடக்கிறது,
அதே இளைஞர்களை நம்பி.
#லியோ #லோகேஷ் #LEO
கருத்துகள் இல்லை:
கருத்துரையிடுக