இந்தக் குருவியை
பார்த்ததும் சிறுமி ஹனா
மனது வலியால் துடிதுடித்தது
ஹனாவின் வாழ்வே
வலிக்கும் இழப்பிற்கும்
தன்னைப் பழக்கிய வாழ்வு
அவளுக்கு விதிக்கப்பட்டது.
ஆனால் பெரும் இரைச்சலுடன்
பூமியை அதிர வைத்து
வந்துவிழும் ராக்கெட் குண்டுகள்
ஒன்றும் அறியாத
காஸாவின் சிட்டுக்களை
நிலைகுலையச் செய்து
பாதித்ததில் வலித்து வலித்து
சோர்வுற்றாள் ஹனா.
பறக்க முடியாதிருந்த சிட்டைத்
தன் சிறிய கையில் ஏந்தி
பக்கத்திலிருந்த மருத்துவமனை
டாக்டரிடம் சொன்னாள்..
"எப்படியாவது
இந்த சிட்டுக்குருவியை
பறக்க வைத்து
உயிர் பிழைக்கச் செய்துவிடுங்கள்".
19-10-2023
கருத்துகள் இல்லை:
கருத்துரையிடுக